سؤال وبتمنى المشاركي

الأنسان مفطور على الخير متل ما بنعرف بس هالفطرة ممكن انو تروح منو والي بتضل موجودي فيه؟؟؟؟؟؟؟؟












انضمو إلى جمعية رعاية الصراصير العالمية
يلزمنا مندوبون في كافة الدول العالمية
معاً نحو مستقبل مليئ بالصراصير
جمعية رعاية الصراصير بأدارة مارتن

سؤالك حلو ورح حاول فيدك بقدر معرفتي
اي شي بيخلق مع الانسان بيتسمى غريزة فطرية
واي شي او صفة بتجي بعدين هي بتتسمى غريزة مكتسبة
والغرائز الفطرية بشكل عام متأصلة بالانسان وبتضل معو طوال حياتو
وبما انو الخير والشر غرائز فطرية خلقت مع الانسان
اذا هي موجودة ومتأصلة في ومهما طغا الخير عالشر او الشر عالخير
بتضل جوا هالانسان بس ممكن صفة او غريزة تطغا على غيرا
بس ما بتلغيا لهيك مهما طغا الشر عالخير بيضل الخير جوا الانسان
بس بدو مين يطلعو ويقوي ويضهروا

وانشا الله كون افدت بردي
وبتمنى من باقي الاعضاء اذا عندون شي لسا يفيدونا في

شكراً كتير ميلاد على ردك الغني لا تعليق بس بدنا أراء تانيي

الانسان برايي شرير بالفطرة و لكن بسب المشاعر الانسانية يلي بحس فيا حتى الشرير ( طبعا هية درجات) ممكن يكون (منيح) ببعض الاوقات
لكن الشر غالب ع الدنيا متل ما كلنا ملاحطين ( الحروب _ الارهاب _ الاحتلال _ المرض _ الفقر _ السيطرة على الشعوب)
بكل الاحوال النتيجة مافي شي اسمو خير و شر في شي انت بتساوي و في شي انت ما بترضا تساوي لأنو مفهوم الخير و الشر نسبي كل واحد بيشوفو من زاويتو!!!!!!!!!

اوك ماد بس في فكرة انو طالما عرفنا الخير والشر على انن غرائز اذا بديهيا هي نسبية لانها غير ملموسة
و انا بعارضك بفكرة انو "ما في خير وشر في شي انت بتساوي" لأ طبعا في شي انت ما بتساوي
لانو في شي اسمو "الهو" وهو مجموعة من الغرائز والشهوات والميول يلي غير قادر الانسان على التحم فيا
بس في كمان "الانا" و هو المسؤول عن حد وضبط عالغرائز والشهوات
ولما ما بيقدر بيضل حاجز واحد والي هو "الانا الاعلى" وهو الشي الوحيد القادر الانسان او يكون في ارادة عليه
لانو صلة الوصل بين الانسان الخارجي ومكنوناتو
وعفوا عالاطالة
تقبل مروري

ممكن كتير لانو الانسان من اول عمرو عندو خير وشر
وممكن كتير الشر يغلب

ميلاد:
يعني ما كتير فمت عليك و خصوصا (طالما عرفنا الخير والشر على انن غرائز اذا بديهيا هي* نسبية لانها غير ملموسة*)
يعني بدي رايك بشكل واضح الانسان مفطور ع الخير ولا ع الشر ..
و اصدك انو (الهو) متل ما سميتو هو الشر؟

كل شي بهالكون منقسم لنسبي وكمي من حيث التعداد او الادراك فأي شي نحنا ما قادرين ندركو ادراك كامل منسمي نسبي مثل:"الغرائز ,الميول ,الانفعالات العواطف" لاننا ما منقدر غير اننا نقدرو تقدير واي شي عكس هيك هو كمي يعدي قادرين نعدو ونلمسو وندركو ولانو الخير والشر غير مدركين ادراك كامل لهيك نحنا ما قادرين غير اننا نقدرون تقدير ولهيك هنن قيم نسبية.
ومشان اذا الانسا مفطور عالخير ولا عالشر الموضوع طويل بس من وجهة نظري الانسان مفطور عالخير لانو الولد الصغير ما بيكون عندو دوافع للشر بس بسبب العوامل الموجودة بالمحيط يلي بيولد وبينما وبيتعلم فيي هيي يلي بتنمي عندو هالدافع او هالميول للشر ولأ كدلك هالشي:
لو كان الانسان بيخلق مفطور عالشر "واكيد ما في انسا ما عندو شوية خير"من وين اجا هالخير اكيد من المحيط يلي عايش في واذا هالمحيط كلو مفطور عالشر من وين بدو يتعلم معنى الخير؟؟؟!!!
ومشان "الهو"
انا ما حبيت اعطي درس بالفلسفة وفصل بس هلق صرت مضطر مشان توصل فكرتي صح
اولا الهو والانا والانا الاعلى هنن جوانب النشاط النفسي عند فرويد
ويلي ذكرتون لحتى اكدلك انو الغرائز يلي نسبنا الخير والشر الون هنن ضمن "الهو" اللي هو منطقة لاشعورية
مليئة بالدوافع والرغبات الجنسية والعدوانية وهي المنطقة الاكثر خطرا في سلوكنا ولا تخضع للعقل
وبعتقد هالتعريف بيكفي
وعفوا عالاطالة بس لازم وصل فكرتي

طيب الطفل عم تؤول انو مفطور عالخير طيب كيف منفسر انو معظم الاطفال عندن نزعة لتعذيب الحيوانات او تخريب بعض الاشياء
و انا قلتلك بسبب المشاعر يلي عند الانسان هي يلي بتخلي يقوم ببعض (الخير)
بس الاديان بشكل عام دعت للخير و قبل الاديان ما كان في تمييز كان القوي يحكم و الضعيف ينظلم و الناس تنشرا و تنباع و (لهلأ يعني )

ماد انت هلق عم تفوتنا بموضوع كبير كتير ما منخلص حكي عنو اليوم بس رح اختصر
انو الاطفال يلي عندون متل ما سميتا نزعة لتعذيب الحيوانات او تخريب الاشياء
اولا ممكن ما يكون نوع من التعذيب ممكن بكون نوع من التسلية بالنسبة للطفل وحتى بالنسبة للتخريب هو نوع
الارضاء للذات او من شان موضوع متل لفت الانتباه
لانو لسا معرفة الصح من الخطأ بكون عندو ما اكتمل
واذا فرضنا انو تعذيب فهيدا بدو دراسة للشي يلي وصل الطفل لهالعادة او السلوك
وبرجع لموضوع الوسط المحيط بالطفل من اهل واقارب
وما تنسا انو حياة الطفل ما بتبلش من لحظة الولادة
لانو حتى هو وبرحم امو عم تأثر عليه هالعوامل او بعض منا
عم تغير سلوكو الفطري
مشان المشاعر في متل بقلك فاقد الشيء لا يعطيه
فلو كانو كل الناس مفطورين عالشر ما كان للخير وجود.وطبعا هاد الراي من ناحية فلسفية.

وطبعا اذا بدنا نحكي عن زمنا هاد اكيد ما رح يكون للخير وجود
لانو الطفل عم يخلق واول شي بيتعلمو هو الحقد والكره و....

اوكي انا برايي نضب ع السيرة لأنو متل ما ئلت حضرتك موضوع طويل و النقاش معت و غير منتهي
و انت اتشكرك على سعة صدرك و عرض كتفيك

لا ولو الشكر الك ولرحابة باحة مخك
وهدا ان دل بيدل على سعة فصوص دماغك
وبالتالي ذكائك و سرعة بديهتك

وانا بشكركون تنيناتكون على هالحوار الساخن والله شوي وكنت رح فكر أني عم قدم برنامج الأتجاه المعاكس بس الي أكدلي أنو ماني عم قدم هالبرنامج أنو بالأخير ما صار ضرب بوكس !!!!!!!!!!!

منساوي اذا بدك

له يا مزوق بعيد الشر
كل هاد حكي وشوية نقاش
و لو احتد شوي ما من كون الا اعز الناس

لا ماد مابدي فكري حالي مذيع خلينا أهل وحبايب وخلي فطرتنا هي الغالبي علينا الله يخليك

بس انا فطرتي غير


ع راسي الشباب ... عم نمزح ولو!!