باب الحارة3

مجريات واحداث باب الحارة الجزء الثالث ,,,

أولا انتهت قصة الحاره المعتة والمهترية واصبح لدينا التطور في سوريا (حاجتنا تخلف وشبريات) ,,,, اما الممثلين فكل تغير دوره كالتالي

ابو شهاب اصبح يدبر للثوار اسلحة نووية من ايران وبيطلب مقاتلين و صواريخ فجر وخيبر ورعد وكاتيوشا من حزب الله

عصام بصير معلم حلاقة وبجيب حلاقين من إيطاليا وبيفتح قسم مساج شد تدليك >>

ابو قاسم بغير ديكور الحمام وبسويه فندق فانسيا الحاره

أبو بشير بيقلب المخبز تبعه آلي وبفتح قسم للكرواسان

ابو غالب بيشتري سيارة وبيركب عليها مسجل وسماعات وبشغل عليها موسيقة سيارة البوظة او الغاز بتعرفوها اكيد مشان يبطل ازعاج وتجعير بصوته وبصير يبيع عليها ذرة وترمس وفول "وبليله"..اكيد ما بيستغني عنها لانها بداياته في السوق

الخضرجي ابو مرزوق فتح هايبر ماركت خاص بالخضار بس

جميلة بتجيب خط موبايل مشان تحكي بالليل على راحتها

فريال بتتصل على قناة شهرزاد وبتكلم أبو علي الشيباني لتشوف مستقبل الحاره

معتز بصير قائد المجاهدين في العراق و بيحرر العراق من الأحتلال الأمريكي

زوج فوزية (أبو بدر) بصير يلعب كراتيه وبصير زكرت ... وبضلو يستنى معتز عالرايحة وعالجاية مشان يسلخو كف على رقبتو ...(اي بس معتز بالعراق وبيخلص المسلسل وما بيتواجهو )

رئيس المخفر(أبو جودت) يتم إستدعائه للأمم المتحدة للمساعدة بكشف قتلة الشهيد رفيق الحريري (وبكم دورلار لأبو الجود بيطالع سوريا هي المسؤولة عن ذلك

صطيف بيرجع عالحارة مشان ينتقم "لانو بسبع رواح"وابو شهاب الله يصلحو ما ضرب عليه غير 3 طلقات "لسا برصيدو في اربع نقاط"

أبو عصام بكمل دكتوراه طب وبيحضر للماجيستير وفي احتمال نسلمه رئاسة المشافي الحكومية هون بسوريا (على أمل انو يصلح الطب بالبلد

أبو النار بروح يعمل شوية عمليات تجميل في باريس حتى يشيل تشطيبات أبو شهاب من على وجهه ويتابع مشواره الطويل (لانه سوف يشبع تشطيب في هذا الجزء

أبو حاتم بيفتح بدل القهوة إنترنت كافيه وبينقل مباريات برشلونة وريال مدريد حصريا و بيفتح جنبها صالة بلياردو ,,,,,,,

انتهى المسلسل الان على امل ان ينال اعجابكم "بالزمة ما خرج صير مخرج" تحياتي للجميع