أختي على علاقة مع شب ... والله لألعن!!!!!!

ايش الشب ما بعيبو شي و البنت بعيبا كلشي؟
ليش البنت اذا عملت علاقة مع شب اخوا بيلعن افطاسا و افطاسو؟
و ليش الشب اختو ما بتسألو لوين كنت لهلأ و مع مين كتن ماشي ؟
يعني ما عم افهم شو هالفرئ السحري؟
انا شخصيا عندي اخت و لا بسألا لا وين رحت و لا و مع مين هي حياتا الخاصة ما بصير ادخل فيا ؟؟
شو رايكن؟؟

اخي ماد لافي لا فرق سحري ولا شي بس في شي فكري برأيي لانو العادات والتقاليد الي من ضمنها انو الشب حرية التصرف والخروج من البيت والذي منو من الحكي هاد والبنت لا . الي توارسها المجتمع مانو شي فينو الواحد يتخطاه أو يغض النظر عنو ويكمل بحياتو ما عم قول انو انا مع هالحكي هاد لا العكس انا بوافقك بالرأي نسبياً بوافقك بفكرت أنو للبنت حريت التصرف والخروج ضمن حدوود أكيد مو متل حريت الشب بس إلى حد ما
نحنا شفنا التجربي الأوربي أو الأجنبي بهالموضوع الي أكيد بتتخالف مو بس مع العادات والتقاليد لا مع الدين كان
بيجي هون دورنا أو الأصح دور الشبيبة الواعية القليلي بهالمجتمع كيف بدنا نحاول نعمل تجربتنا ونبتعد عن الأخطاء الي وقعت فيها مجتمعات غيرنا من منظورنا لهل الأخطاء لحتى نوصل للحل السليم ولوقتها يخلق الله مالا تعلمون


أسف أخي ماد أذا كنت طولت عليك او حكيت حككي بلا فائدة بس أنت طلبت الراي وهاد رأيي المخربط .

مشكور ماد الحقيقة موضوع مهم وانا ما عندي اي تعليق مارتن كفا و وفا وانا بضم صوتي الو

ع راسي مارتن بس يا اخي ليش لحتى ما تكون حريتا متل الشب شو نائصا ايد او رجل....
بعدين بس البنت لما تطلع و تاخدحريت بتتخالف مع الدين ليش الشب ما بخالف الدين لما بيطلع و بيصيع
يا بتكون حرية الاتنين مقيدة مع بعض ( و هاد الشي بيعترض عليه الشباب بشدة و بيتمسخرو عليه) يا بتكون حريتن متل بعض!
و ع كل اذا عند الاوربيين مشكلة او مشكلتين بسبب الحرية فنحنا عنا 999999999999999999 مشكلة بسبب الكبت و العادات و التقاليد ..... بعدين ليش المشكلة دينية :
يعني الدين بالقناعة ولا بالغصب ... الواحد بينصح دينيا بس اذا يلي ادامو ما اقتنع بيجبرو مثلا:
اذا البنت ما بدها تتحجب ... بنغصبا تتحجب و انا شايف اثلة كتير ياما في بنات محجبين و بيشيلو الحجاب ايمتا ما بدن
و ياما في بنات ع اساس ملتزمين ( هيك بيعتبرن المجتمع اما انا برايي فكل واحد حر و ما بحكم ع حدا و ما بعاملو ع اساس هالنظرية ) و بيطلعو مت تحت لتحت!!

على عيني ماد بس أنا ما وضحت حكي منيح بالأول
ليش حريتا مو متل الشب لانو نحنا يا غالي عايشين بمجتمع شرقي الي فيه أنو البنت ( من بيتا لبيت جوزا ) هاي الفكرة الكانت سايدي قبل بالغالبية الساحقة من أفراد مجتمعنا السوري بعدين بلشت تتغير بشكل سريع خلال 30 سنة الي مرت لحتى صارت غير هلق وصار في الأريحيي للفتات بالتعامل و التصرف بس ما أختلفت 180 درجة لحتى تكون الها نفس الحرية فيا سيدنا الكريم لهيك قلت بحدود ... لهيك الوحدي مافينها تتصرف بحرييتا الكاملة مباشرتاً لانو متل الدرج مافينك تنط لأخر درجة مباشرتاً الشغلي بتصير بالتدريج بدي أسألك ؟ قديش كان في تصرفات بالماضي كانت مستغربي وهلق صارت من الأشياء الطبيعي متل اللبس او الأكل... بالنهاي هي رأيي ولهيك برأيي أنو البنت ما ألها حرية الشب نفسا
لا مافيها الحريي عنا 999999999999999999 بس أصحاب الأفكار المريضة والمعقدين الي بيشوفو البنت هي جسد فقط لا غير هنن الي بيحطو هالمشاكل والي بتدفع العالم انو تتمسك بهالمشاكل الي ذكرتها فوق من العادات والتقاليد لانو هيك أأمن لبناتون ما فينك تلوم حدا ليش بيفكر هيك
وبأكدلك أنو المشكلي مو هي الدين الأنو الدين يسر وبعمرو ما كان عسر ولا رح يكون و كمان بعمرو الدين ما كان غصب
اذا نحنا بنطبق تعاليم الدين المسيحي أو الأسلامي بأكدلك أنو كل واحد رح ياخد حقو بحياتو و مرح يحس أنو مغبون والحجاب موضوع تاني يطول الشرح فيه كتير ماني بوارد فتحو هلق
أسف على الأطالي بالكلام بس حاولت كون شمولي بقدر ما ساعدتني أفكاري بطرح رايي